Redu messiya janminchenu sridha veedhu ఱేఁడు మెస్సీయ జన్మించెను శ్రీదా వీదు

Song no: 111

ఱేఁడు మెస్సీయ జన్మించెను శ్రీదా వీదు పురమున నుద్భువించెను

వేడుకతోడను బాడుఁడి పాటలు రూఢిగ సాతాను కాడిని దొలఁగింప ||ఱేఁడు||

1. మనకొఱకై శిశువు పుట్టెను అతఁడు మన దోషములను బోగొట్టెను

అనయంబు నతనిమీఁ దను రాజ్యపు భార ము నుంచఁబడె విమో చనకర్త యితఁ డౌను ||ఱేఁడు||

2. పరలోక సైన్యంబు గూడెను మన వర శిశువును గూర్చి పాడెను

నరులయందున గరుణ ధర సమాధానంబు చిర దేవునికి బహు మహిమ యటంచును ||ఱేఁడు||

3. కొమ్మ యెష్షయినుండి పుట్టెను చిగురు క్రమ్మర మొద్దున బుట్టెను

కమ్మొను దేవుని యా త్మమ్మును తెలివి జ్ఞా న మ్మలోచన మహ త్వ మ్మొక్కుమ్మడినాతని ||ఱేఁడు||

4. సర్వశక్తి గల దేవుఁడు మరియు నుర్వియందు దయాస్వభావుఁడు

సర్వమహిమము గల్గు స్వర్గ లోకము వదలి గర్వముతో నిండిన సర్వంసహా స్థలిపై ||ఱేఁడు||

5. వింతైన వాఁడుగ నుండెను కోరినంత సుందరత లేకుండెను

చింతతోడను మాయా సంగతులగు వారి యంతములేనట్టి యాపదను వీక్షించి ||ఱే ఁడు||

6. చెదరిన గొఱ్ఱెల వెదకును వాని ముదమున మందలోఁ జేర్చును

సదయత యేసుండు జనితైక సుతుఁడు భా స్వదధిక విభుఁడాలో చన కర్త జన్మించె ||ఱేఁడు||

7. అక్షయుండగు యేసు వచ్చెను మన రక్షణమ్మును సిద్ధపర్చెను

మోక్షము సరుణా క టాక్షమ్ముతో నియ్య నీక్షితియందున హెబ్రీ వంశమునందు ||ఱేఁడు||