Song no: 25
తేజోవాసుల స్వాస్థ్యమందు - నను చేర్చుటే
నీ నిత్యసంకల్పమా నను చేర్చుటే నీ నిత్యసంకల్పమా -2
తేజోవాసుల స్వాస్థ్యమందు ......
- అగ్నిలో పుటము వేయబడగా - నాదు విశ్వాసము -2
శుద్ధ సువర్ణమగునా - నీదు రూపు రూపించబడునా -2 ॥ తేజో ॥
- రాబోవు యుగములన్నిటిలో - కృపా మహదైశ్వర్యం -2
కనుపరచే నిమిత్తమేనా - నన్ను నీవు ఏర్పరచితివా -2 ॥ తేజో ॥
- శాపము రోగములు లేని - శాశ్వత రాజ్యము -2
శాపవిముక్తి పొందిన - శాంతమూర్తుల స్వాస్థ్యమదేనా -2 ॥తేజో ॥
- నటనలు నరహత్యలు లేని - నూతన యెరూషలేం -2
అర్హతలేని నన్నును - చెర్చుటయే నీ చిత్తమా -2 ॥తేజో॥
Song no: 22
ఏమని వర్ణింతు - నీ కృపను - ఏరులై పారెనె - నా గుండెలోన -2
ఏమని వర్ణింతు - నీ కృపను......
- సర్వోన్నతుడా నీ సన్నిధిలో - బలము పొందిన వారెవ్వరైనా – 2
అలసిపోలేదెన్నడును.... 2 ॥ ఏమని॥
- పక్షిరాజు వలెను - నా గూడు రేపి నీ రెక్కలపై మోసినది -2
నీ కృప నాపై చూపుటకా ..... 2 ॥ ఏమని॥
- మరణము నశింపచేయుటకేనా - కృపాసత్య సంపూర్ణుడావై -2
మా మధ్యన నివసించితివా ..... 2 ॥ ఏమని॥
Song no: 21
మాధుర్యమే నా ప్రభుతో జీవితం
మహిమానందమే - మహా ఆశ్చర్యమే -2
మాధుర్యమే నా ప్రభుతో జీవితం
- సర్వ శరీరులు గడ్డిని పోలిన - వారై యున్నారు -2
వారి అందమంతయు -పువ్వువలె వాడిపోవును - వాడిపోవును ॥ మాధుర్యమే ॥
- నెమ్మది లేకుండ విస్తారమైన - ధనముండుట కంటె -2
దేవుని యందలి భయభక్తులతో ఉండుటే మేలు - ఉండుటే మేలు ॥ మాధుర్యమే ॥
- వాడబారని కిరీటమునకై - నన్ను పిలిచెను -2
తేజోవాసులైన పరిశుద్ధులతో ఎపుడు చేరెదనో - ఎపుడు చేరెదనో ॥ మాధుర్యమే
Song no: 18
సర్వోన్నతుడా - నీవే నాకు ఆశ్రయదుర్గము -2
ఎవ్వరులేరు - నాకు ఇలలో -2
ఆదరణ నీవెగా -ఆనందం నీవెగా -2
- నీ దినములన్నిట ఎవ్వరు నీ ఎదుట - నిలువలేరని యెహోషువాతో -2
వాగ్దానము చేసినావు - వాగ్దానా భూమిలో చేర్చినావు -2 ॥ సర్వో ॥
- నిందలపాలై నిత్య నిబంధన - నీతో చేసిన దానియేలుకు -2
సింహాసనమిచ్చినావు - సింహాల నోళ్లను మూసినావు -2 ॥ సర్వో ॥
- నీతి కిరీటం దర్శనముగా - దర్శించిన పరిశుద్ధ పౌలుకు -2
విశ్వాసము కాచినావు - జయజీవితము నిచ్చినావు -2 ॥ సర్వో ॥