Iesrayeliyula devunde yentho ఇశ్రాయేలీయుల దేవుండే యెంతో

Song no: 123
తా – ఆది

ఇశ్రాయేలీయుల దేవుండే – యెంతో స్తుతి నొందును గాక = యాశ్రితువౌ తన జనులకు దర్శన – మాత్మ విమోచన కలిగించె ॥నిశ్రా॥

1. తన దాసుఁడు దావీదు గృహంబున – ఘన రక్షణ శృంగము నిచ్చె = మన శత్రువు లగు ద్వేషులనుండియు – మనలన్ బాపి రక్షణ నిచ్చె ॥నిశ్రా॥
2. దీనిని గూర్చి ప్రవక్తల నోట – దేవుఁడు పలికించెను దొల్లి = మానవ మన పితరులఁ గరుణింపఁగ – మహిలోన నిబంధనఁ జేసె ॥నిశ్రా॥
3. జనకుం దగు నబ్రాహాముతోఁ – జేసిన యా ప్రమాణముఁ దలఁచి = మనము విరోధులనుండి విమోచన – గని నిర్భయులమై మెలఁగ ॥నిశ్రా॥
4. ఆయన సన్నిధానమునందు – నతి శుద్ధిగ నీతిగ నుండఁ = పాయక తన సేవను నిత్యంబును – జేయఁగ నీ రక్షణ నిచ్చె ॥నిశ్రా॥
5. ధర నో శిశువా దేవుని దీర్ఘ – దర్శి వనెడు పేరొందెదవు = పరమేశ్వరుని వాత్సల్యతతోఁ = పాపవిముక్తిఁ బ్రజ లొంద ॥నిశ్రా॥
6. మానుగ రక్షణ జ్ఞాన మొసంగఁగ – మార్గము సిద్ధపరచుటకై – దీన మనస్సుతోఁ బ్రభునకు ముందు – గా నడిచెదవు భయభక్తి ॥నిశ్రా॥
7. మరియును సమాధాన సరణిలో – మన మిఁక నడువఁ జీఁకటిలో = మరణచ్ఛాయలో నుండిన వారికి – నరుణోదయ దర్శన మిచ్చె ॥నిశ్రా॥
8. జనక పుత్రాత్మ దేవుని కిలలో – ఘనత మహిమ కల్గును గాక = మును పిపు డెప్పుడు తనరి నట్లు యుగ – ములకును దనరారునుగా కామేన్  ॥నిశ్రా॥

Share:

Read More

Chudare maredu putti nadu bethlehemulo చూడరే మాఱేఁడు పుట్టి నాఁడు

Song no: 120

రా – యదుకుల కాంభోజి
తా – ఆది

చూడరే మాఱేఁడు – పుట్టి – నాఁడు బెత్లెహేములో = నేఁడీ భూమి వాసులకు – నిండు రక్షణబ్చెను ||చూడరే||

1. ఎన్నరాని దేవ దీప్తి – మున్ను మిన్ను గ్రమ్మెను = పన్నుగా రేయెండ కాంతి – కన్ననది మించెను ||చూడరే||
2. దూత తెల్పె  వ్రేల కొక – ప్రీతియగు ముచ్చటన్- ఖ్యాతిగ దావీదు పురిని – కర్తయేసు పుట్టుటన్ ||చూడరే||
3. తూరుపున జ్ఞానులొక్క – తార దివిని గాంచిరి = వారు వీరు వచ్చి సేవ – వరుసగాను జేసిరి ||చూడరే||
4. మక్కువతో మనమెల్ల – మ్రొక్కి సేవఁ జేతము = మిక్కుటముగ మనకు శాంతిఁ – గ్రక్కున నొసంగును ||చూడరే||

Share:

Read More

Lokamanthata velugu prakashinchenu లోకమంతట వెలుగు ప్రకాశించెను

Song no: 119

రా – ముఖారి
తా – ఆది

లోకమంతట వెలుగు ప్రకాశించెను – యేసు జన్మించినపుడు = ఆకాశమునందు గొప్ప నక్షత్రంబు బుట్టెనపుడు – లోకజ్ఞానులు గొల్లలు వెళ్లి లోక రక్షకుడేసుకు మ్రొక్కిరి ॥లో॥

1. నేను వెలుగై చీకటిలో వెలుగుచున్నాను – చీకటి దాని గ్రహింప లేదు = నేను లోకమునకు వెలుగై యున్నాను నను వెంబడించు – వాడు చీకటిలో నడువక జీవపువెలుగై యుండుడనె యేసు ॥లో॥
2. ఆ పట్టణములో వెలుగుటకు సూర్యుడైనను – చంద్రుడైన నక్కరలేదు = ఆ పట్టణములో దేవుని మహిమయే – ప్రకాశించుచున్నది యెపుడు – ఆ పట్టణమునకు దేవుని గొఱ్ఱెపిల్లయే దీపమై వెలుగుచుండు ॥లో॥
3. విూరు లోకమునకు వెలుగై యున్నారు గనుక – విూరు వెలుగు సంబంధులు = విూరు కొండపైన కట్టబడిన పట్టణంబువలెనే – మరుగై యుండక నరులందరికి – వెలుగై యుందురనె యేసుండు॥లో॥
4. చీకటిలో నడుచుజనులు గొప్ప వెలుగును – చూచిరి ధన్యులై = లోక మందు మరణచ్ఛాయగల దేశనివాసుల విూద – ప్రకాశించెను గొప్ప వెలుగు ప్రభువు యేసుకు జేయని పాడరే ॥లో॥

Share:

Read More

Yesunadhini yodhulandharu vasiga యేసునాధుని యోధులందరు వాసిగ

Song no: 117

రా – రేగుప్తి
తా – ఏక

యేసునాధుని యోధులందరు వాసిగ నిటరండు – వేగమె — వాసిగ నిటరండు = భాసురముగ ప్రభు జన్మము బాడుచు – నాసతోడ రండు – వేగమె — యాసతోడ రండు ||జే జయం||

1. దూతలమాదిరి గాత్రము లెత్తుచు – గీతము బాడుండి – వేగమె – గీతము బాడుండి = దాతయౌ మన క్రీస్తుని నీతిని – ఖ్యాతిగ బలుకుండి – వేగమె ఖ్యాతిగ బలుకుండి ||జే జయం||
2. గొల్లలు ప్రభు కడకేగిన రీతిని – నెల్లరు నడువుండి – వేగమె – యెల్లరు నడువుండి = ఉల్లములందున సంతసించి ప్రభు – నెల్లెడ దెలుపుండి – వేగమె – యెల్లడ దెలుపుండి ||జే జయం||
3. జ్ఞానుల భంగిని మానవులందరు – కానుక లియ్యుండి – వేగమె – కానుక లియ్యుండి = మానవకోటికి రక్షణ భాగ్యము – దానము బొందుండి – వేగమె – దానము బొందుండి ||జే జయం||
4. మరియ రీతిగను మనసు లోపలను – మురియుచు నుండుండి – వేగమె కానుక లియ్యుండి = మానవకోటికి రక్షణ భాగ్యము – దానము బొందుండి – వేగమె – దానము బొందుండి ||జే జయం||
5. జయజయ శబ్దము జేయుచు ప్రభునకు – జయమని పాడుండి వేగమె — జయమని పాడుండి = జయజయ మంచును – జయ శబ్దముతో జయముల నొందుండి – వేగమె – జయముల నొందుండి ||జే జయం||

Share:

Read More

Geethamulu padudi yesuniki గీతములు పాడుఁడీ యేసునికి

Song no: 115
రా – భైరవి
(చాయ: సందియము వీడవె)
తా – త్రిపుట

గీతములు పాడుఁడీ – యేసునికి సం – గీతములు పాడుఁడీ = పాతకులమగు మనల దారుణ – పాతకము తన విమలరక్త – స్నాతులనుగాఁ జేసి పాపను – భాతకులలో నవతరించెను ||గీతములు||

1. రాజులకు రాజుగా – నేలుచు మోక్ష – రాజ్యమున కర్తగా = బూజలందుచు దూత పరిగణ – పూజితుండౌ ఘనుఁడు తన దగు – తేజ మెల్లను విడిచి యీయిలఁ – దేజహీనులలోనఁ బుట్టెను ||గీతములు||
2. దాసులగు వారలన్ – దమ పటు దోష – త్రాస విముక్తులన్ = జేసి వారల నెల్ల మోక్ష ని – వాసులుగఁ జేయంగ రక్తముఁ – బోసి కృపచేఁగావ వచ్చెను – యేసు నాధుఁడు దీన వృత్తిని ||గీతములు||
3. మానవుల కెల్లను – దేవుని ప్రేమ – మానుగాఁ జూపను = ప్రమానిపై దన రక్త మొసఁగఁగ – మానవుండై పుట్టె యూదుల – లోన యేసను పేరుచేఁదా – దీనుఁడై యిమ్మానుయేలు ||గీతములు||
4. ఆదిఁ దన వాక్యము – నందున యేసు -మోదమున్ నిట్లనెన – మేదినిందా మనుజుఁడై యిఁక – సాదరమ్మునఁ బ్రోవ మనుజుల – నా దయాళుఁడు తనదు దేహము – సాధుగా నర్పింతు ననుచును ||గీతములు||

Share:

Read More

Santhoshinchandi yandharu natho సంతోషించుఁడి యందరు నాతో

Song no: 113
రా – శంకరాభరణము
తా – ఆది

సంతోషించుఁడి – యందరు నాతో – సంతోషించుఁడి – యొక = వింతయగు కీర్తనఁ బాడ వచ్చితిని – సంతోషించుఁడి – నాతో ॥సంతో॥

1. అంధకార మయమైన భూమి నా – ద్యంతము వెలిఁగింప – దాని యూ – వేశముఁ దొలఁగింప = వందితుండు క్రీస్తేసు నాధుఁడు – వచ్చెఁ బ్రకాశుండై – భూమికి – నిచ్చె ప్రకాశంబు ॥సంతో॥
2. కాన నంధకారంబు దొలఁగఁ ప్ర – కాశించెను లెండు – విూరు ప్ర – కాశింపను రండు = మానవులను సంతోషపర్చనై – మహిని నవతరించె – భక్తుల – మనము సంతసించె ॥సంతో॥
3. మిన్ను నుండి సంతోషోదయము – మిగుల ప్రకాశించె – హృదయములఁ – దగులఁ ప్రకాశించె = మున్ను జేయఁబడిన వాగ్ధత్తము – తిన్నగ నెరవేరె భక్తుల – కన్ను లాస దీరె ॥సంతో॥
4. ప్రీతియైన నీ పండుగ గూర్చి – నూతన కీర్తనను – గలసికొని – నాతోఁ పాడుచును = నీ తరి దూరస్తుల కీ వార్తను – నే తీరును నైనఁ – దెలుపఁగ – నాతురపడవలెను ॥సంతో॥
5. పాపులపై దేవునికిఁ గలిగిన – ప్రబలమైన దయను – లోకమునఁ – జూపింపఁ గవలెను = జూపకపోయిన లోపము మనపై – మోపఁబడును నిజము – వేగము – జూపద మా పథము ॥సంతో॥

Share:

Read More

Rakshakundudhayinchi nadata manakoraku రక్షకుండుదయించినాఁడఁట మనకొరకుఁ

Bilmoria



Song no: 112

రా – మధ్యమావతి
తా – అట

రక్షకుండుదయించినాఁడఁట – మనకొరకుఁబరమ – రక్షకుం డుదయించి నాఁడఁట = రక్షకుండుదయించినాఁడు – రారె గొల్లబోయలార – తక్షణమనఁ బోయి మన ని – రీక్షణ ఫల మొందుదము ॥రక్షకుండు॥

1. దావీదు వంశమందు ధన్యుడు జన్మించినాఁడు = దేవుఁడగు యెహోవా మన – దిక్కుఁ దేరి చూచినాఁడు ॥రక్షకుండు॥
2. గగనమునుండి డిగ్గి – ఘనుఁడు గబ్రియేలు దూత = తగినట్టు చెప్పె వారికి – మిగుల సంతోషవార్త ॥రక్షకుండు॥
3. వర్తమానము జెప్పి దూత – వైభవమున పోవుచున్నాఁడు = కర్తను జూచిన వెనుక – కాంతుము విశ్రమం బప్పుడు ॥రక్షకుండు॥
4. పశువుల తొట్టిలోన – భాసిల్లు వస్త్రములజుట్టి = శిశువును గనుగొందురని – శీఘ్రముగను దూత తెల్పె ॥రక్షకుండు॥
5. అనుచు గొల్ల లొకరి కొక – రానవాలు జెప్పకొనుచు = అనుమతించి కడకుఁ క్రీస్తు – నందరికినీ దెల్పినారు ॥రక్షకుండు॥

Share:

Read More