Jagore Jagore jagu jamu rathiri జాగోరే జాగోరే జాగు జాము రాతిరి

జాగోరే జాగోరే జాగు జాము రాతిరి
యేసు జాము రాతిరి కాడ పుట్టినాడే భాయ్ (2)
కన్నియ మరియ కన్నులు విరియ
పూత రేకు వంటి బాలుడోయ్ పుట్టె పాకలోన          ||జాగోరే||
దూతలు పాడే కమ్మని పాట కబురే తెచ్చింది
తారలు మెరిసే తీరును చూడ వెలుగే వచ్చింది (2)
వెళ్లి గొల్లలు తేరి చూసిరి – ఘల్లు ఘల్లున చిందులు వేసిరి (2)
ఈ ప్రజల నేలె యేసయ్య వచ్చెనని పరుగులు తీసిరమ్మా          ||జాగోరే||
వెలుగులు చిందే తారను చూసి తరలిరి జ్ఞానులమ్మా
బోళము తెచ్చి కానుకలిచ్చి సాగిలపడిరమ్మా (2)
పోలి కేక పెట్టెనమ్మా – పొలిమేర దాటెనమ్మా (2)
ఆ పసిడి కిరణాల బాలుని చూసి ప్రకృతి మురిసెనమ్మా            ||జాగోరే||

Share:

Read More

Janminchenu Sri yesudu rarandi జన్మించెను శ్రీ యేసుడు రారండి పూజింతుము

జన్మించెను శ్రీ యేసుడు రారండి పూజింతుము
జగమంతట ఉదయించెను॥2॥
ఆ విభుని సేవింతుము
పరలోక సైన్యమంతా ప్రణుతించె ఆ యేసుని॥2॥
సమాధానమును తెలిపిరి స్తోత్రము చెల్లించిరి ॥2॥జన్మించెను॥
ఆరాధించగ వచ్చిరి తూర్పునుండి జ్ఞానుల॥2॥
సంతసించి గొల్లల పూజించను వచ్చిరి॥2॥జన్మించెను॥
పాపాలు తొలగించను పరలోకమును వీడెను॥2॥
నమ్మిన ప్రతివారికీ కలుగును మోక్షము ॥2॥జన్మించెను॥

Share:

Read More

Jo lali Jo mariya thanayuda జో లాలి జో మరియ తనయుడా

జో లాలి జో మరియ తనయుడా
జో లాలి జో మహిమరూపుడా
అల్ఫాఓమెగ ఆమేన్ అనువాడ
ఆశ్చర్యకరుడా ఆది సంభూతుడా
యుగయుగముల పూజ్యూడా...
మా బాల యేసువా (2)
వేవేలా దూతలతో స్తుతినొందు పూజ్యూడవు
పరలోక మహిమలతో శొబిల్లు రారాజువు
మహిమను విడచి దాసుని రూపందాల్చి
రిక్తుడవై జన్మించినావా (2)
జగముకధిపతివి సర్వేస్వరుడ నీవు
పరిశుద్ద దేవుడవు శ్రీమంతుడవు నీవు
పాపుల కొరకై పరమును విడచి
పశు పాకలో నీవు పవళించినావా (2)

Share:

Read More

Jo jo lali Bala yesu lali nannu జో జో లాలి బాల యేసు లాలి నను గన్న నా తండ్రి లాలి

జో జో లాలి (2)
బాల యేసు లాలి నను గన్న నా తండ్రి లాలి
నా గారాల తనయా లాలి.. జో జో.. జో జో.. జోజో..
జగతిని ఏలే నీవు జననిగనను ఎంచితివి
పేదరాలిని నేను పొత్తిబట్టలు పరచితివి
తల దాచు చోటులేక తల్లడిల్లిపోతిని
వాడ వాడ వెదకినను పశులపాకె నెల వాయె
నింగినేల నీ సొంతమైన ఇసుమంతా చోటు
నీకు లేదాయే తారపు వెలుగులు యిచ్చిన
నీకే చిరుదీపమేనాడు కరువాయె
ఎవరి కొరకు నీవస్తావో వారెవరికి కానరా రాయె
అన్ని ఉన్న దేవుడవు లేనివానిగా జన్మించితివి

Share:

Read More

Naa hrudhaya simalo anadhagithika నా హృదాయ సీమలో ఆనందగీతిక

నా హృదాయ సీమలో ఆనందగీతిక
పొంగి పారింది మేని పులకించగ
అ.ప. : క్రిస్మస్ గంటలు మ్రోగాయి - క్రీస్తుని జన్మను చాటాయి
ఆశ్చర్యకరుడు నిత్యుడగు దేవుడు
ఈ భువిలో ఉదాయించ పుడమికే పండుగ
ఆ దేవుడే గుండె గదిలో జన్మించ
నా బ్రతుకున అదే నిజమైన పండుగ
గగనాన దూతలు గళమెత్తి పాడ
సమాధాన గీతాలు జనులకు వినిపింప
ఆ యేసు బాలుని ఆ దివ్యరూపుని
మనసున స్మరియింప ఉప్పొంగె నా మది
పరలోక సౌఖ్యం విడనాడి యేసు
దీనుడుగా ఇలకు దిగి వచ్చినాడు
ఆ రాజువోలె తగ్గింపు కలిగి
తన దివ్య సేవలో సాగుటే ధన్యత

Share:

Read More

Ninnu yennatharama naa prema నిన్ను ఎన్నతరమ నా ప్రేమ వరమనా

నిన్ను ఎన్నతరమ నా-ప్రేమ వరమనా
జీవజలమా నా పూర్ణబలమా (2)
జగమంత పాపంతో-నిండిన సమయములో (2)
పాపినైన మమ్ము పావనుగా చేసావు
నీ ప్రేమ చూపించి మము ఎంతో ప్రేమించి
ఆకాశమంత ప్రేమతో వెలిగే
భూలోకమంతా నీతియై వెలిగే (2) ..నిన్ను
హృదయాలు మలినముగా-వుండిన సమయములో
నిలువెల్ల మము కడిగి శుద్ధులుగా చేసావు
నీ కరుణ చూపించి మమునెంతో ప్రేమించి
ఆకాశమంతా ప్రేమతో వెలిగే
భూలోకమంతా నీతియై వెలిగే ..నిన్ను

Share:

Read More

Ningini nelanu yekamu chesina నింగిని నేలను ఏకము చేసిన పండుగ

నింగిని నేలను ఏకము చేసిన పండుగ
నింగికి నేలకు నిచ్చెన వేసిన పండుగ
అ.ప. : క్రిస్మస్‌ హాపీ క్రిస్మస్‌ క్రిస్మస్‌ మెర్రీ క్రిస్మస్‌
జ్ఞానుల జ్ఞానము వ్యర్ధము చేసిన పండుగ
రాజుల గుండెలో అలజడి రేపిన పండుగ
దీనుల ప్రార్థనకు ఫలముగ వచ్చిన పండుగ
పాపుల కోసము రక్షణ తెచ్చిన పండుగ
యూదుల కలలన్నీ నిజముగ మార్చిన పండుగ
బాధల బ్రతుకులలో నెమ్మది కూర్చిన పండుగ

Share:

Read More