50

నా దాగుచోటు నీవేనయ్యా
యేసు నీచాటున ఉన్నానయ్యా

అ.ప : సంతోషమే సంతోషమే
యేసూ నీ సన్నిధిలో సంతోషమే

1 జలప్రవాహములు పొరలి వచ్చినను
శత్రు సమూహములు తరలి వచ్చినను
నామీదికెన్నడురావు నన్నేమి చేయలేవు
నాముందు ఉన్న నిన్ను దాటి నన్ను చేరలేవు

2 నామీద ద్రుష్టుంచి జ్ఞానము నేర్పెదవు
ఉపదేశము చేసి మార్గము చూపెదవు
నాచేయి పట్టుకున్నావు నాకాలు జారనీయవు
శ్రమలో తోడైయుందువు తప్పించి గోప్పచేతువు

3 సాతాను ఉరిలోనుండి నను విదిపించెదవు
నాశన తెగులునుండి నను రక్షించెదవు
రాత్రిలో భయములేదు అపాయమేది రాదు
దూతలకాజ్ఞ ఇచ్చావు రాయికూడ నన్ను తాకదు

ఈ లోకం మాయరా – గతియించే ఛాయరా
పరలోకమే శాశ్వతంరా – ప్రభునామమే శరణంరా
స్థిరమైన రాజ్యము కొరకే – అన్వేషణ చేయరా

1 అందమైన రంగులతో రకరకాల హంగులతో
నిన్ను ఆకర్షించురా
గురిచూసి ఎర వేసి పాపంలో పడద్రోసి
దైవానికి దూరం చేసేనురా

2 పాపిని పరిశుద్ధపరచి తన సుతునిగా చేయదలచి
యేసు పరమును వీడెరా
ఇలలోని తనవారిని పరలోకం చేర్చాలని
భుమ్యాకాశం మధ్య నిలిచెరా

స్తోత్రపాత్రుడా - పూజ్యనీయుడా
స్తుతులపై అశీనుడా - ప్రణుతులు చేకొనుమా

1. చెదరిన మమ్ము మందగ కూర్చ
విడిచిన తండ్రిఇంటికి చేర్చ సిలువను మోసితివా
నీ నామమును ఇలా నిత్యము విడువక కీర్తింతుము

2. గోతిలోనుండి బయటకు లాగ
బండపై మమ్ము స్థిరముగ నిలుప గాయములొందితివా
నీ నామమును ఇలా నిత్యము విడువక కీర్తింతుము

3. క్షయమగు మమ్ము మహిమకు మార్చ
మరణపు శాపఋనమును తీర్చ రక్తము కార్చితివా
నీ నామమును ఇలా నిత్యము విడువక కీర్తింతుము

స్తోత్రము స్తోత్రమని కీర్తనపాడెదము
హల్లెలూయ హల్లెలూయని నిను కొనియాడెదను

అ.ప: ఉల్లసించెదనయ్యా నీ సన్నిధిని
సన్నుతింతుతును నిన్నే రారాజువని

1 స్వస్థపరచు దేవుడవు నీవేయని కీర్తనపాడెదము
తృప్తిపరచగలిగిన రారాజువని నిను కొనియాడెదను

2 శక్తినీయు దేవుడవు నీవేయని కీర్తనపాడెదము
గొప్పచేయగలిగిన రారాజువని నిను కొనియాడెదను

3 ఉద్ధరించు దేవుడవు నీవేయని కీర్తనపాడెదము
ఆలకించ గలిగిన రారాజువని నిను కొనియాడెదను

ఎవరీ యేసు తెలుసా నీకు
సర్వశరీరులకు దేవుడు
సర్వభూమికి రాజు ఇతడు - సర్వమానవాళి రక్షకుడు

1. పాట రాయలేదు - స్వరము కూర్చలేదు
పుస్తకాలు ముద్రించలేదు
అయునా యేసు పైన రాయబడిన గ్రంధాలెన్నో
ఈయన గూర్చి ఆలపించే కీర్తనలేన్నెన్నో

2. విద్యావేత్త కాదు - బడులు కట్టలేదు
వైద్య శాస్త్రం పటిం చలేదు
అయునా యేసు ద్వారా బాగుపడిన హృదయాలెన్నో
ఈయన గూర్చి బోధించే విద్యాశాలలెన్నెనో..

3. యుద్ధం చేయలేదు - తూటా పేల్చలేదు
రక్తపాతం జరిగించలేదు
అయునా యేసు వైపు ఎత్తబడిన హస్తాలెన్నో
ఈయనను అనుసరించే పాదాలెన్నెన్నో

అడిగినదానికంటెను ఊహించినదానికంటెను
అత్యధిక విజయమిచ్చావు – ఆనందము కలిగించావు

అ.ప: దేవా వందనం – మా ప్రభువా వందనం

1 శక్తిచేత కానేకాదు – బలముతోనైతే జరుగదు
ఆత్మద్వారా జరిగించావు – మా విశ్వాసము పెంచావు

2 ఆటంకములు ఎదురైనప్పుడు – దిగులుతో భయపడినప్పుడు
నిబ్బరముతో నిలబెట్టావు – మా తలలను పైకెత్తావు

3 సామర్ధ్యము సరిపోనప్పుడు – కొరతతో పని చెడినప్పుడు
వనరులన్నీ సమకూర్చావు – మా కోరిక నెరవేర్చావు

4 శత్రుమూక అల్లరి చేసినా – పని పాడుచేయచూసినా
చివరకు మము గెలిపించావు – మా శ్రమలను మరిపించావు

పైన రైట్ సైడ్ లో టెలిగ్రామ్ లోగో వుంది దాని పైన క్లిక్ చేసి మన టెలిగ్రామ్ గ్రూప్ లో జాయిన్ అవ్వచ్చు